ಓ ಗುರಿಯೇ ..

 ದೂರದಿಂದಲೇ ನೀ ಬಾ ಎಂದು ಕರೆಯುತಿಹೆ,
ಬಳಿ ಓಡಿ ಬಂದರೆ ನೀ ದೂರ ಓಡುತಿಹೆ,
ನೀನಾದೆ ನನ್ನ ಬಾಳ ಮರೀಚಿಕೆ,
ನೀ ನನ್ನ ಬಂದು ಸೇರಲಾರೆ ಏಕೆ..?
         
              ನಿನ್ನನ್ನು ಸೇರಲು ಮನವು ಹವಣಿಸುತಿದೆ ,
               ಈ ಎನ್ನ ಹೃದಯ ನಿನ್ನ ಸಾಂಗತ್ಯ ಬಯಸಿದೆ,
               ನೀನಾದೆ ನನ್ನ ಬಾಳ ಮರೀಚಿಕೆ,
               ನೀ ನನ್ನ ಬಂದು ಸೇರಲಾರೆ ಏಕೆ ..?


ಬೆವರ ಹರಿಸಿದೆ, ದೇಹ ದಣಿಸಿದೆ
ನಿನ್ನ ಮಿಲನದೋಸುಗ ನನ್ನ ಬಾಳನೆ ಅರ್ಪಿಸಿದೆ.,
ಆದರೂ ನೀನಾದೆ ನನ್ನ ಬಾಳ ಮರೀಚಿಕೆ ,
ನೀ ನನ್ನ   ಬಂದು ಸೇರಲಾರೆ ಏಕೆ.?
 
              ನೀ ನನ್ನ್ನ ಕನಸಾದೆ, ಕನಸಿಂದ ದಿನವಾದೆ
               ಇಂದು ನೀನೇ ನನ್ನ ಉಸಿರಾಗಿರುವೆ
               ನಿನ್ನೊಡನೆ ಬೆರೆಯಲು ನಾನು ಹಂಬಲಿಸಿಹೆ
               ಬಂದು ನಿನ್ನ ಸೇರಲು  ದೌಡಾಯಿಸುತಿಹೆ

 ನೀ ಮರೀಚಿಕೆಯಲ್ಲ , ನಾ ಕಂಡ ಕನಸು
ನನ್ನೊಡನೆ ಹುಟ್ಟಿ ಬೆಳೆಯುತಿಹ ನನ್ನ ಗುರಿಯು
 ಛಲ ತೊಟ್ಟು ಬರುತಿಹೆನು ,ಬಂದು ನಿನ್ನ ಅಪ್ಪುವೆನು
ಓ ಗುರಿಯೇ ,ನಾನು ನೀನು ಬೆರೆತರೆ ನನ್ನ ಬದುಕು ಸಮಾಗಮವು
ನನ್ನ ನಿನ್ನ ಮಿಲನದಿ ನನ್ನ ಜನ್ಮ ಸಾರ್ಥಕವು.